المقـــادير
دجاج
دقيق ابيض
شوربة شوفان
بيض
ثوم
بهارات ..(ملح ,,فلفل أسود,,) وبهارات مشكة خذي مهران والله جنان
الطــــــريقة
قطي الدجاج ... الفخذ لحاله ومنطقة أعلى الفخذ لحالها
والصدر لحاله والجناح لحاله... وانتبهي بدوووون ازالة الجلد.. عشان القرمشة بعدين..
اغسلي الدجاج ونظفيه جيداً جيداً,,
حطي في قدر ياطويلة العمر وحطي علية البهارات والفلفل الأسود والملح ..وجيبي 4 او 5 فصوص ثوم .. لا تفرمينها
نظفيها بس..وحطيه على الدجاج في القدر ((طبعا البهارات والفلفل حطيها حسب رغبتك وحسب كمية الدجاج )
بعدين صبي على الدجاج الماء الحار .. واتركية يطبخ مع البهارات والثوم والحركات..
خلي يطبخ ربع ساعة اوعشر دقايق.. لين يكون خلاص قرب يستوي..بعدين طفي النار...
طلعي قطع الدجاج من المرقة وخليها تبرد شوي بس..
جيبي حله وكسري فيها البيض..
وجيبي صحن .. وحطي فيه كمية من الدقيق الأبيض.. وفنجان شاي من شوربة الشوفان..
غمسي قطع الدجاج في البيض وقلبيها زييين في الدقيق والشوفان..لين تخلص القطع..
جهزي الزيت ... وياليت يكون في المقلاة الكهربائية لأن الأكل المقلي فيهايطلع مقررررمش
اقلي الدجاج حتى يتحمر ,,
وماراح تحتارين ... اوتشكين انو ما استوى... لأن طبختي الدجاج على النار وتشرب بالبهارات واكتسب نكهة خفيفة للثوم [[رووووعه